Heilsuvernd býður núna einstaklingum og fyrirtækjum upp á rafræna skráningu fjarveru og læknisvottorð til atvinnurekanda vegna fjarvista.
Skráningin fer fram í gegnum rafræna gátt á vefnum my.hv.is þar sem einstaklingurinn skráir sig inn með rafrænum skilríkjum til auðkenningar.
Í skráningunni kemur fram nafn, kennitala, sími, netfang og vinnustaður, auk deildar.
Starfsmaðurinn skráir tímabil veikinda og ástæðu.
Með skráningunni samþykkir starfsmaðurinn að Heilsuvernd sé heimilt að senda tilkynningu og/eða vottorð til vinnuveitanda um fjarveru sína.
Hjúkrunarfræðingar í þjónustuveri Heilsuverndar fara yfir skráninguna og hafa samband við viðkomandi starfsmann ef vantar frekari upplýsingar eða til staðfestingar.
Þegar farið er inn á síðuna my.hv.is í farsíma er hægt að óska eftir því að síminn geymi slóðina sem app. Þannig opnar starfsmaður fyrir táknmynd á skjá farsíma síns sem heitir Heilsuvernd og auðveldar honum þannig að finna slóðina og skrá fjarveru að nýju. Athugið einungis er hægt að framkvæma þessa aðgerð í upphafi.
Heilsuvernd sendir vinnuveitanda daglega upplýsingar um þau fjarveruvottorð sem starfsmenn skrá.
Greitt er fyrir hvert einstakt útgefið vottorð af vinnuveitanda eða eftir atvikum þeim sem þess óskar.
Verð fyrir hvert vottorð til atvinnurekanda vegna fjarveru er samkvæmt gjaldskrá heilsugæslunnar