Ein besta skytta Íslandssögunnar í handbolta, FH-ingurinn Héðinn Gilsson, segir í hóp á samfélagsmiðli að verið sé að níðast á aldraðri móður sinni og að nú sé honum nóg boðið:
„Ég get ekki orða bundist, á fimmtudaginn fyrir sléttri viku skipti ég um brotna rúðu hjá mömmu og nú var verið að brjóta hana aftur, 6. rúðan sem er brotin og þriðja rúðan síðan í nóvember,“ segir Héðinn og spyr:
„Hvaða aumingjar og drullusokkar eru það sem þurfa að níðast á konu á áttræðisaldri?“
Héðinn lætur ekki bjóða sér hvað sem er, og hefur aldrei gert, og hann hefur nú tilkynnt málið til lögreglu:
„Ef þeir eða foreldrar þeirra lesa þetta, mega þau vita að það er búið að hafa samband við lögreglu.“