Einstaklingur var fluttur á slysadeild um klukkan 16 í gær eftir að hafa skaðað sjálfan sig í verslun í Smáralindinni; að sögn lögreglunnar er einstaklingurinn ekki grunaður um eitthvað saknæmt en hann hafði þó hníf meðferðis, en þetta kemur fram á vef Fréttablaðsins.
Aðalvarðstjóri hjá lögreglunni á höfuðborgarsvæðinu, Gunnar Hilmarsson, segir atvikið hafa átt sér stað á tíma þar sem töluverður mikill fjöldi er vanalega í Smáralind.
Gunnar segir að starfsfólki verslunarinnar sem og Smáralindar hafa verið sagt og sýnt hvernig þau geti sótt sér áfallahjálp hjá Rauða krossinum.
Sveinn Stefánsson er þjónustustjóri hjá Smáralind, og segir hann ákveðna ferla fara í gang þegar slíkt gerist í verslunarmiðstöðinni:
„Aðilinn fékk aðhlynningu og var fluttur á slysadeild. Það eru ferlar innanhúss ef til kemur,“ segir hann.