Fréttamannafundur með Ríkissáttasemjara var haldinn rétt í þessu í Karphúsinu. Aðalsteinn Leifsson fór yfir stöðuna og bendir á að allir nema 29.600 félagar Eflingar hafi fengið launahækkanir. Hann bendir á að viðræðurnar séu í fullkomnum og hörðum hnút og ætli því að nota það eina verkfæri sem hann hefur í höndunum. Hann segir að ekki sé eftir neinu að bíða þar sem viðræðum þoki ekki áfram og sér það sem skyldu sína að stíga inn. Samningaviðræðurnar hafi áhrif á samfélagið allt.
Aðalsteinn taldi upp í fyrsta lagi að þeir sem starfa að þessum kjarasamningi fái sömu launahækkanir. Í öðru lagi stingur hann upp á að allir fá afturvirkar hækkanir frá síðastliðnum nóvember. Í þriðja fer hann fram á að allir félagsmenn Eflingar en ekki bara eitt prósent eins og nú séu í atkvæðagreiðslu.
Aðalsteinn er þar með að taka málið af borði samninganefndanna og setur þessa miðlanatillögu fram og vill skoða hvort aðilar í málinu séu opnir fyrir þessari leið með skammtímasamningi eða hvort þeir vilji halda áfram í þessum harða hnút.
Ríkissáttasemjari segir að óhætt sé að fullyrða að viðbrögð hluteigandi aðila séu svo að báðir hafi eitthvað út á málið að setja. Ríkissáttasemjari hefur tekið valdið og lögin er skýr.
Atkvæðagreiðsla skal fara fram á mánudaginn 30. janúar 2023 og vera lokið þriðjudaginn 1. febrúar 2023. Atkvæðagreiðsla skal vera rafræn og leynileg. Kosningin er bindandi og gildandi til 21. janúar til 2024.