Föstudagur 19. apríl, 2024
4.1 C
Reykjavik

„Ríkisstjórnin er í þagnarbindindi og er hætt að hlusta á Þórólf“

VefTv

- Auglýsing -

Hlaðvörp

- Auglýsing -

Formaður velferðarnefndar Alþingis, þingmaður Samfylkingarinnar, lögfræðingurinn og leikkonan Helga Vala Helgadóttir segir „ljóst að sóttvarnalæknir telji að ríkisstjórnin hafi ekki hlustað á tillögur hans um aðgerðir til að stemma stigu við útbreiðslu COVID-19 hér á landi.“

Hún bendir á að Þórólfur Guðnason sóttvarnarlæknir „sé augljóslega að segja að ríkisstjórnin sé ekki lengur að hlusta á okkur; þannig að hún ber ábyrgð á þeim aðgerðum sem þau fara í.“

Helga Vala segir að velferðarnefndin – sem hún hefur stýrt sem formaður frá árinu 2019 verði einfaldlega að „spyrja út í stöðuna og út í faraldurinn sjálfan,“ og fá skýr svör sem henni finnst tilfinnilega vanta varðandi Covid 19 hér á landi, sérstaklega í ljósi þess hversu faraldurinn hefur breiðst hratt út að undanförnu og smitum fjölgað gríðarlega í takt við það.

Og Helga Vala spyr hvort „ríkisstjórnin er í einhverju þagnarbindindi eða eru fjölmiðlar bara svona tillitssamir við þau í sumarfríinu?“

Bætir við:

„Um helgina hitti ég kvíðna skólamanneskju sem kallaði eftir því að stjórnvöld yrðu tilbúin með lausn og ákvarðanir þegar framhaldsskólarnir byrja, því það væri bara alls ekki hægt að fara inn í enn eina önnina með allt í uppnámi. Auðvitað eru þetta fordæmalausir tímar en nú verðum við að átta okkur á því að það þarf að gæta að annars konar heilsu líka; geðheilsunni, og geðheilsa, þroski og framtíð ungmenna er í húfi hérna. Svo eru þessir tímar hættir að vera fordæmalausir eftir 18 mánuði!

- Auglýsing -

Helga Vala bendir á að „í Danmörku hafa framhaldsskólakrakkar einfaldlega þurft að sýna hraðpróf vikulega til að fá að mæta og eru slíkar sýnatökustöðvar víðs vegar um landið. Auðvitað eigum við að stefna á eitthvað svipað því við getum ekki fórnað heilli kynslóð í það að missa algjörlega af þessum dýrmæta tíma í þroskaferlinu. Menntamálaráðherra verður að taka af skarið og fjölmiðlar að inna hana og aðra ráðherra eftir svörum og það strax. Skólarnir hefjast eftir tvær til þrjár vikur!“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -