Þriðjudagur 21. maí, 2024
5.8 C
Reykjavik

Rútur Skæringur vill afslátt á sjálfsafgreiðslukössum: „Ég vil að fólk sýni mér stöðuga athygli“

VefTv

- Auglýsing -

Hlaðvörp

- Auglýsing -

Neytandi vikunnar er Rútur Skæringur N. Sigurjónsson, kvikmyndagerðarmaður, módel, áhrifavaldur og lífskúnstner. Auk þess að auka hróður sinn á sviði kvikmynda heldur hann úti Instagram reikningnum Icerutur.

Hve miklu eyðir fjölskyldan í mat og aðrar rekstrarvörur heimilisins á mánuði og hvar verslar hún helst?

Ég hef bara aldrei spáð í því. Ég er einn í heimili fyrir utan hundinn og ég fæ að megninu til að borða í vinnunni. Þegar svona stór hluti matarkostaðarins er dekkaður af vinnuveitandanum verður þetta eitthvað sem maður hugsar minna um.

Hvað með sparnað í matarinnkaupum og hverju vilt þú breyta sem neytandi?

Ég vil fá meira ódýrt eða frítt dót. Það má alveg vera fyrir alla en sérstaklega vil ég fá frítt og ódýrt dót fyrir mig persónulega. Flest dót á fullu verði er rándýrt. Mér finnst ég í raun eiga það skilið en verandi áhrifavaldur og módel þá myndi það veita mér meira fjárhagslegt bolmagn til að gleðja aðdáendur mína meira og oftar.

- Auglýsing -

Telur þú álagningu verslana sanngjarna og gerir þú verðsamanburð á vörum og þjónustu?

Vanalega er fólk að gefa mér hitt og þetta en ef ég geri verðsamanburð og virkilega neyðist til að kaupa eitthvað þá nei, þá finnst mér álagning verslanna alls ekki sanngjörn. Mér finnst t.d. að verslanir sem nota sjálfsafgreiðslukassa ættu að veita afslátt fyrir það að fólk afgreiði sig sjálft. Föt eru sérstaklega dýr! Ef maður ber þetta saman við sambærileg föt erlendis, t.d. jakkaföt, þá er mjög mikill verðmunur. Ef jakkaföt sem eru ekki sérsniðin kosta tvöfalt á við sérsniðin föt í landi sem er ekki lengra í burtu en Skotland er eitthvað mikið að. Ég tala ekki um muninn á því að kaupa föt í Asíu.

- Auglýsing -

Leggur þú fyrir, og hvaða leiðir notar þú ef svo er?

Já, ég legg fyrir og geri það með því að leggja inn á sparnaðarreikning en það breytir því ekki að ég þarf að eyða, stundum oft. Það gengur ekki upp að leggja ekki fyrir.

Verðtryggð lán, óverðtryggð lán eða engin lán?

Námslánin mín eru verðtryggð og ég fékk aldrei neina leiðréttingu. Hvar er leiðréttingin mín? Sama hvaða lán maður tekur er lágmark að eitt gangi yfir alla.

Hvaða mál og málaflokka telur þú að þurfi að leggja meiri áherslu á?

Það væri gott ef fallegu fólki eins og mér væri gert hærra undir höfði þegar kemur að samfélagsmiðlum. Ég vil að fólk sýni mér stöðuga athygli og leggi hart að sér við það að uppfylla allar mínar þarfir. Ég legg hart að mér og finnst eðlilegt að aðrir geri það líka.

Þetta er kannski ekki vinsælt viðhorf en það er í það minnsta hreinskilið.

Umhverfisvernd, skiptir hún þig máli?

Já, bróðurparturinn af því efni sem ég deili á samfélagsmiðlum fer fram undir berum himni og úti í guðsgrænni náttúrunni. Án náttúrunnar hefði ég engan fallegan bakgrunn fyrir efnið sem ég deili.

Ég flokka ruslið, nota græna samgöngumáta þegar ég get og er meðvitaður um kolefnisfótsporið mitt. Ég mun halda þessu áfram þangað til að ég dey eða þetta dettur úr tísku.

Annað sem þú vilt taka fram?

Ég er virkilega þakklátur fyrir aðdáendur mína. Ég elska ykkur öll og þið eruð alveg frábær!

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -