Óli Hjörtur er 35 ára og er rekstrarstjóri Bíó Paradísar, sem hann vill meina að sé besta bíó landsins. Óli býr einn í miðbænum og vill hvergi annars staðar búa. Óli er Neytandi vikunnar.
Gerir þú verðsamanburð á vörum og þjónustu?
Aðallega þegar ég versla í matinn. Ég versla reyndar mikið á netinu og ég er alltaf að furða mig á því af hverju sendingargjald til Íslands er galið. Einnig þarf ég oft að borga auka toll gjald sem ég verð stundum gráhærður af.
Hvernig sparar þú í matarinnkaupum?
Ég er versti kokkur í heimi þannig að ég get verið duglegur að kaupa að „take away mat“.
Ég verð að viðurkenna að ég er ekki neitt sérstaklega duglegur spara þegar það kemur að matarinnkaupum. Ég ætti kannski byrja að taka mig á þar á bæ.
Endurnýtir þú? Ertu með ráð til annarra?
Ég endurnýti eins og ég get. Mitt ráð til að búa pláss í pappa ruslafötunni þegar maður er að losa sig við pappafernur og slíkt þar sem að þau geta tekið mikið pláss ef að þeim er ekki pakkað saman.
Hvað hefur þú í huga þegar þú kaupir mat, fatnað og gjafir?
Ég er duglegur að kaupa „vintage“ föt t.d. af Wasteland búðinni sem er geggjuð búð og gamla vinnustaðnum mínum Spúútnik. Ég pæli aðallega í þegar ég versla föt hvort að þetta sé nokkuð of mikið illa farið miðað við verð. Þegar allt er á botninum hvolft þá er það bara verðmiðinn skiptir máli og hvort ég eigi efni á þessu yfir höfuð.
Hverju átt þú erfiðast með að draga úr kaupum á?
Carhartt föt. Allt sem kemur að Carhartt fatamerkinu elska ég
Skiptir umhverfisvernd þig máli?
Gífurlegu. Er alltaf að reyna að bæta mig þar á bæ og reyni að standa mig eins og ég mögulega get.
Annað sem þú vilt taka fram?
FRJÁLS PALESTÍNA