Það vekur athygli þegar sænskur risi á íslenskum hljóðbókamarkað hækkar áskriftarverð. Á dögunum fengu íslenskir áskrifendur af hljóðbókavefnum Storytel tilkynningu um að frá og með 4.júní næstkomandi myndi mánaðarleg Storytel Unlimited áskrift hækka úr 2990 krónum í 3190 krónum á mánuði. Hækkunin nemur 6,7 prósentum. Fyrir einstaka viðskiptavini nemur hækkunin 2400 krónur á ári.
Eftirfarandi tilkynning var send á viðskiptavini Storytel. Eins leitaði Mannlíf eftir skýringu á hækkun en engin svör bárust.
Storytel er sífellt að þróa þjónustuna og bæta framboð á vönduðum og fjölbreyttum sögum. Til að halda því áfram mun mánaðarleg Storytel Unlimited áskrift hækka úr 2.990 kr. í 3.190 kr. á mánuði. Ef þú gerir engar breytingar á áskriftarleið tekur nýja verðið gildi við fyrstu greiðslu eftir 4.júní næstkomandi.
Mannlíf leitaði eftir viðbrögðum Storytel sem svaraði ekki skilaboðum.