Föstudagur 12. ágúst, 2022
9.8 C
Reykjavik

Sandra Líf jarðsungin í dag: „Ein fallegasta sál sem ég hef kynnst“

Helgarviðtalið

- Auglýsing -

Orðrómur

- Auglýsing -

Sandra Líf Long verður jarðsungin í dag frá Dómkirkjunni í Reykjavík. Í ljósi aðstæðna í þjóðfélaginu verður aðeins nánasta fjölskylda við útförina. Sandra Líf fannst látin 14. apríl í fjörunni á Álftanesi, eftir að hennar hafði verið leitað í þrjá daga, en ekkert hafði til hennar spurst frá skírdegi, 9. apríl.

Sandra Líf var 26 ára, einhleyp og barnlaus. Hún skilur eftir sig foreldra, stjúpforeldra, og tvo hálfsystkini. Sandra Líf fæddist í Reykjavík 2. nóvember 1993. Hún lauk grunnskólanámi frá Lindaskóla í Kópavogi, og flutti eftir grunnskólapróf með móður sinni til Malmö í Svíþjóð, þar lauk hún stúdentsprófi frá Bladins Gymnasium International School í júní 2011. Árin 2013- 2014 stundaði Sandra Líf nám við Háskólann í Malmö (Produktion Leder).

Sandra Líf flutti aftur til Íslands í janúar 2017 og um haustið hóf hún nám í þjóðfræði við Háskóla Íslands. Meðfram námi vann hún sem þjónn og vaktstjóri á Jamie’s Italian við Austurvöll, og síðar á veitingastaðnum Krydd í Hafnarfirði. Sandra Líf starfaði einnig við afgreiðslustörf í versluninni Álfagull í Hafnarfirði.

Sigga Heimis iðnhönnuður minnist Söndru Lífar með mikilli hlýju í minningargrein í Morgunblaðinu í dag, en þær kynntust fyrir mörgum árum í Svíþjóð þegar börn Siggu voru lítil.

„Hún kom inn í líf okkar eins og hlýr og glaður stormsveipur og heillaði okkur öll upp úr skónum. Hún var einstaklega ljúf og blíð og með eindæmum dugleg. Sandra var einstök með börnin og þau biðu spennt eftir að fá tíma með henni,“ segir Sigga.

„Sandra var ótrúlega skemmtileg og lifandi, átti marga vini og yndislega fjölskyldu. Það var alltaf líf í kringum hana enda útgeislunin einstök og hún hugsaði vel um fólkið sitt. Hún naut sín í náminu og stóð sig ótrúlega vel. Samhliða því vann hún fulla vinnu og ég dáðist oft að því hvað hún náði að halda utan um þetta allt auk þess að aðstoða mig við börnin. Það er ekki á allra færi og hún stóð sig gífurlega vel sem sýnir hvað hún var öflug og sterk. Það er ótrúlega verðmætt að eiga að fólk sem elskar börnin okkar og sýnir þeim hlýju og skilning. Fáir treysta sér til að sjá um auma og skerta einstaklinga en það sýnir einstakt hjartalag og góðmennsku. Sandra vílaði ekki fyrir sér að sjá um öll börn, skert eða heilbrigð, og reyndist hún honum Baltasar mínum einstök stoð og stytta. Því gleymi ég aldrei. Og aldrei mun ég gleyma þessum yndislega engli sem er ein fallegasta sál sem ég hef kynnst.“

- Auglýsing -

Mannlíf vottar fjölskyldu og ástvinum Söndru Lífar innilega samúð.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -