Sara Björk Gunnarsdóttir segir í tilkynningu að eftir 16 ára feril með íslenska landsliðinu hafi hún ákveðið að hætta að spila með liðinu.
Hin uppalda Haukakona, Sara, segist hafa haft mikla ánægju af því að spila með landsliðinu; það hafi verið heiður, en á þessum tímapunkti viti hún að nú sé kominn tími til að kveðja.
Sara leikur með Juventus á Ítalíu og á að baki 145 landsleiki; leikjahæsta landsliðskona Íslands; skoraði hún 24 mörk í leikjunum:
„Að hafa verið hluti af liðinu sem komst í fyrsta skipti á EM 2009 og taka þátt í fjórum Evrópumótum er eitthvað sem ég er mjög stolt af. Ég vil þakka KSÍ, þjálfurunum, starfsfólkinu, leikmönnum og sjálfboðaliðum sem tóku þátt í þessu ferðalagi með mér,“ segir Sara sem tvívegis hefur verið valin íþróttamaður ársins, 2018 og 2020.