Sunnudagur 29. janúar, 2023
2.1 C
Reykjavik

Segir skattinn hvetja sig til að mæta ekki til sýslumanns „þó ég hafi verið boðaður af lögreglu“

Helgarviðtalið

- Auglýsing -

Orðrómur

- Auglýsing -

Gunnar Hrafn Jónsson fyrrum þingmaður Pírata skrifar athyglisverðan pistil á Facebook-síðu sinni, og hefst hún með þessum orðum:

„Á morgun, klukan nákvæmlega 13 mínútur yfir níu að morgni, verður gert hjá mér árangurslaust fjárnám, en ég hef verið á endurhæfingarlífeyri undanfarin ár til að geta snúið aftur á vinnumarkað af fullum krafti. Þetta er smá bakslag, svona miðjan jólamánuðinn.“

Heldur áfram:

„Merkilegust þóttu mér þó svör kröfuaðilans, Ríkisskattstjóra, sem hvöttu mig ítrekað til að mæta alls ekki til Sýslumanns á morgun þó að ég hafi verið boðaður þangað af lögreglu. Er það ekki dálítið á skjön við hlutverk opinberra stofnana að hvetja fólk til að leiða hjá sér þegar lögreglan kallar það inn í viðtöl vegna alvarlegra mála? Mér skilst reyndar af öðrum öryrkjum að þetta sé rétt, það taki því ekkert að mæta, kosti bara strætópening sem við gætum annars sparað.“

Gunnar Hrafn segir að „ekkert gerist nema þú ert lýstur aumingi í fjarvist eða viðurvist þinni og tékkað hvort þú eigir nokkuð bíldruslu sem megi selja fyrir 50 þúsund kall upp í milljónaskuld. Gott að ég tók aldrei bílpróf.“

Hann nefnir að endingu að „skatturinn heimtar hins vegar að fá frá mér símtal á miðvikudaginn, þegar þeir eru búnir að gera sitt misheppnaða fjárnám, til að byrja að semja um skuldina. Sem ég get ekki með nokkru móti greitt á bótum sem duga ekki alltaf til framfærslu. Það verður skemmtilegt símtal.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -