Formaður Starfsgreinasambandsins, Vilhjálmur Birgisson, er á því að umræðan og framkoman í kjaradeilunum undanfarnar vikur sé komin út fyrir öll velsæmismörk; þetta sagði hann í viðtali í Bítinu á Bylgjunni.
„Það er bara staðið á öskrum um að við höfum verið að svíkja Eflingu og svo framvegis,“ sagði Vilhjálmur og bætti við:
„Ég hef heldur aldrei upplifað að greiningardeild ríkislögreglustjóra hefur samband við ríkissáttasemjara um að huga að öryggi á heimili sínu. Hvert erum við komin?“ spurði Vilhjálmur.
Hann segist ekki vilja vera í sporum Eflingafólks, sem sé nú án launahækkana á sama tíma og verðlagið fari hækkandi. Nái Efling hins vegar fram meiri hækkunum en önnur félög hafa fengið:
„Við myndum að sjálfsögðu gera sambærilega kröfu um hækkun fyrir okkar fólk. Ég hef trú á því að aðrir hópar sem hafa samið myndu gera slíkt hið sama,“ sagði Vilhjálmur.