Björn Jörundur Friðbjörnsson fagnar fimmtugsafmæli sínu með tónleikum; þótt kappinn verði 52ja ára gamall þann 11. október – en fimmtugsafmæli hans var þegar Kóvid gekk yfir heiminn.
Glúmur Baldvinsson var eitt sinn mágur Björns Jörundar; og ber hann kappanum söguna vel.
„Nú berast mér þau undarlegu tíðindi að fyrrum mágur minn Björn Jörundur skuli fimmtugur vera. Öðruvísi mér áður brá og því ber að fagna.“
Glúmur segir að „Bjössi er einn forvitnislegasti og skemmtilegasti karakter sem ég hefi fyrirhitt um mína daga. Og hef ég nú margan kvistinn hitt.“
Segir að endingu:
„Eftir hann standa ógleymanlegar perlur einsog Álfheiður Björk sem ég raula ávallt í þau tvö skipti sem ég fer í bað á ári; þessi rödd á sér enga líka. Spreðandi talent í söng og leik.
Óska ég honum og hans yndislegu fjölskyldu innilega til hamingju með áfangann og sér í lagi dóttur hans og systurdóttur minni Möllu frænku.“