Félags- og vinnumarkaðsráðherra, Guðmundur Ingi Guðbrandsson, þarf að fljúga til Kaupmannahafnar fyrr en áætlað hafði verið til að stýra fundi Norrænu ráðherranefndarinnar; vegna þess hefur Guðmundur Ingi frestað fundi sem var fyrirhugaður með Eflingu og því getur ekki orðið af áðurnefndum fundi sem fyrirhugaður var klukkan hálf 9 í fyrramálið.
Guðmundur Ingi mun stýra fundum norrænu ráðherranefndarinnar í höfuðborg Baunalands, Kaupmannahöfn, og hugðist hann síðan fljúga út eftir fundinn með Eflingu.
Slæm veðurspá kom í veg fyrir það.
Hefur flugi ráðherrans verið seinkað og því þarf Guðmundur Ingi að fljúga fyrr út til Kaupmannahafnar, og Efling þarf að bíða.
Eins og fram hefur komið á Mannlífi fer Ísland með formennsku í norrænu ráðherranefndinni; var ákveðið fyrir nokkru síðan að Guðmund Ingi myndi stýra fundinum, en kappinn er væntanlegur til landsins á miðvikudag.
Sagt hefur verið hér fráþví að Efling krefst þess að Guðmundur Ingi beiti sér af afli gegn miðlunartillögu ríkissáttasemjara.
Eftir því sem heimildir Mannlífs herma þá hefur það ekki verið fært í tal að annar ráðherra kæmi í stað Guðmundar Inga á fundi með Eflingu.
Sólveig Anna Jónsdóttir formaður Eflingar sendi bréf þar sem hún leggur hún ofuráherslu á að fundurinn verði í fyrramálið áður en mál ríkissáttasemjara gegn stéttarfélaginu verður tekið fyrir í Héraðsdómi Reykjavíkur.