Stóra pollagallamálið – Smákaupmaður á Selfossi forðast íslenska birgja

„Við reynum að vera ekki með innlenda birgja,“ segir smákaupmaðurinn Kristján Bergsteinsson hjá Yrju verslun á Selfossi sem hefur vakið athygli fyrir að bjóða mun lægra verð á pollagöllum en verslanakeðjan Hagkaup. Mannlíf greindi á dögunum frá gríðarlegum verðmun á pollagöllum frá CeLaVi. Fréttin vakti mikla athygli. Hjá Hagkaup kosta þeir 13499 krónur en hjá Yrju á Selfossi 8490 krónur. Munurinn er 59 prósent.

„Við flytjum 99 prósent af okkar vörum inn sjálf og náum því hagkvæmum verðum. Verðið hjá okkur er yfir innkaupsverði okkar,“ bætir hann við.