- Auglýsing -
Snorri Steinn Guðjónsson mun verða næsti landsliðsþjálfari Íslands í handbolta karla, en þetta kemur fram á Vísi.
Viðræður á milli forráðamanna HSÍ og Snorra Steins hafa tekið langan tíma; en nú er málið hins vegar frágengið.
Snorri Steinn verður kynntur sem nýr landsliðsþjálfari fljótlega; líklega innan við hundrað dögum eftir að greint var frá brotthvarfi Guðmundar Guðmundssonar í febrúar síðastliðnum.
Þá stendur til að Arnór Atlason, fyrrverandi liðsfélagi Snorra úr landsliðinu, verði aðstoðarþjálfari liðsins.
Það er þó ekki enn vera í höfn; Arnór er núverandi aðstoðarþjálfari Álaborgar; einnig þjálfari U21-landsliðs Danmerkur, en mun hætta í báðum störfum í sumar; tekur þá við sem aðalþjálfari TTH Holstebro í Danmörku.