Fimmtudagur 28. mars, 2024
-3.2 C
Reykjavik

Stockfish í fullum gangi

VefTv

- Auglýsing -

Hlaðvörp

- Auglýsing -

Stockfish kvikmynda- og ráðstefnuhátíðin er í fullum gangi en hún hófst í gær. Hátíðin stendur yfir til 22. mars í Bíó Paradís.

Hátíðin er bæði ætluð kvikmyndaunnendum sem vilja sjá alþjóðlegar verðlaunamyndir í bíó sem og fagfólki í kvikmyndabransanum. Hátíðin er haldin árlega í samvinnu við Bíó Paradís og öll fagfélög í kvikmyndagreinum á Íslandi. Með hátíðinni var Kvikmyndahátíð Reykjavíkur endurvakin undir nýju nafni en hún var síðast haldin árið 2001 og var upphaflega sett á laggirnar árið 1978.

Markmið Stockfish er að efla og auðga kvikmyndamenningu á Íslandi og vera íslenskum kvikmyndaiðnaði lyftistöng bæði erlendis sem og innanlands. Á hátíðinni fá gestir mikla innsýn í gerð myndanna og tækifæri til að eiga samtal við leiksjóra eftir sýningar með Q&A.

Kvikmyndafólk og allt áhugafólk um kvikmyndir nýtur góðs af Masterclass umræðum við hæfileikafólk í faginu ásamt pallborðsumræðum um gerð kvikmynda. Það er landinu mikill fengur að fá þennan gæðastimpil þar sem fólk alls staðar að úr heiminum mætir sérstaklega til landsins til að sækja hátíðina.

Allt kapp er lagt á að starfrækja Stockfish á faglegan, gagnsæjan og lýðræðislegan hátt með stjórn skipaðri meðlimum úr fagfélögum kvikmyndaiðnaðarins. Í stjórn Stockfish sitja þau Friðrik Þór Friðriksson leikstjóri og framleiðandi, Guðrún Edda Þórhannesdóttir framleiðandi, Ari Alexander Ergis Magnússon kvikmyndagerðamaður, Huldar Breiðfjörð handritshöfundur, Sigríður Rósa Bjarnadóttir leikgervahönnuður, Birna Hafstein leikkona sem og fulltrúar allra fagfélaganna í kvikmyndagreinum á Íslandi.

Kynntu þér dagskrá Stockfish 2020 á vef hátíðarinnar.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -