Kristín Ólafsdóttir hefur verið ráðin framkvæmdastjóri Pírata; Kristín er með meistaragráðu í mannréttindalögfræði og BS gráðu í viðskiptafræði; býr yfir mikilli reynslu úr atvinnulífinu og frá félagasamtökum.
Kristín hefur undanfarin ár verið að læra um skaðaminnkandi nálgun og úrræði; unnið við það ásamt því að sinna kennslu.
Hér áður var hún var áður framkvæmdastjóri Píeta-samtakanna og leiddi af miklum krafti uppbyggingu samtakanna:
„Við teljum okkur lánsöm að fá Kristínu til liðs við okkur, en hún hefur mikla og góða reynslu sem mun nýtast vel í störfum okkar flokks,“ ritar Tinna Helgadóttur gjaldkeri Pírata, í fréttatilkynningu er Píratar sendu frásér um ráðningu Kristínar:
„Stjórn Pírata þakkar fráfarandi framkvæmdastjóra, Elsu Kristjánsdóttur, fyrir hennar störf og samfylgdina og óskar henni velfarnaðar. Nú eru tímamót, Píratar finna fyrir miklum meðbyr og málefnin eru brýn.“
Hin nýráðna Kristín segist hlakka til verkefnisins:
“Píratar eru í mikilli sókn og kraftur grasrótarinnar er áþreifanlegur. Ég kem til með að gera mitt besta til að halda utan um góðan hóp og styðja við reksturinn og það merkilega starf sem nú þegar hefur verið unnið og þau fjölbreyttu verkefni sem framundan eru.”
Þess má geta að Kristín er systir hins frábæra tónlistarmanns, Jóns Ólafssonar, úr hinni goðsagnakenndu íslensku hljómsveit Nýdönsk, en Kristín er níu árum yngri en Jón sem verður 60 í næsta mánuði.