Fimmtudagur 18. apríl, 2024
1.1 C
Reykjavik

Þetta er viðtalið við Aron Einar sem gerði allt vitlaust: „Það er gott að búa í Katar“

VefTv

- Auglýsing -

Hlaðvörp

- Auglýsing -

„Fjölskyldunni líður mjög vel. Við búum í hverfi sem er girt af og með góðri öryggisgæslu þannig að strákarnir geta farið út að leika sér með öðrum krökkum í hverfinu án þess að við þurfum að hafa nokkrar áhyggjur af því að þeir fari neitt. Það er mjög ánægjulegt,“ sagði Aron Einar við Akureyri.net þegar hann var í fríi heima á Akureyri nýverið.

Vefmiðillinn Akureyri.net birti viðtal við landsliðsfyrirliðann Aron Einar Gunnarsson sem sjá má hér.  Viðbrögðin við viðtalinu urðu óvenju harkaleg, miðað við sakleysislegt innihald þess. Veist var að fjölmiðlinum fyrir að birta viðtalið við fyrirliðann og látið í veðri vaka að hann væri sekur um brotlegt athæfi.

Fyrirsögnin er á þessa leið: „Langaði að prófa eitthvað gjörólíkt“

Aron Einar er án alls vafa einn besti og þekktasti knattspyrnuleikmaður sem Akureyringar hafa af sér alið.

Í viðtalinu ræðir Aron Einar til dæmis við Akureyri.net um það hvernig fjölskyldu landsliðsfyrirliðans líður í Katar, en Aron Einar er kvæntur og á þrjú börn:

Aron Einar ræðir einnig um hversu öðruvísi lífið sé í Katar:

- Auglýsing -

„Það er gott að búa í Katar, fótboltinn er ágætur – öðru vísi en ég er vanur, en ég vissi vel hvað ég var að fara út í, ég spila færri leiki en í Englandi og hraðinn og harkan eru mikli minni. Ég var einmitt að leitast eftir því; eftir 11 ár í Englandi, þar af níu ár í einni erfiðustu deild í heimi, var kominn tími til að breyta til,“ segir Aron, og vísar þar til næst efstu deildar í Englandi. Álagið þar er gríðarlegt, fleiri leikir en í úrvalsdeildinni og harkan og baráttan á vellinum með því mesta sem þekkist.

„Ég var farinn að meiðast meira en áður og fann að ég var lengur að jafna mig. Það var oft mikil keyrsla og ég kom oft hálf meiddur í landsleikjatarnir sem var ekki gaman. Þetta var því nákvæmlega það sem ég þurfti á þessum tímapunkti; að fara í deild þar sem átökin eru ekki eins mikil og loftslagið miklu hlýrra. Það er alveg á hreinu að þessi breyting getur lengt ferilinn verulega.“

Aron Einar kemur inn á þegar Heimir Hallgrímsson fyrrum landsliðsþjálfari bauð honum að koma til Katar og spila:

- Auglýsing -

„Mig langaði orðið að prófa eitthvað gjörólíkt því sem ég var vanur. Það er dálítið fyndið eftir á, að fyrir HM í Rússlandi 2018 var ég meiddur og fór í endurhæfingu í Katar. Eftir það segi ég við Kristbjörgu að ég væri til í að búa þar og spila fótbolta. Hálfu ári síðar erum við flutt til Katar; það var eins og þetta ætti að gerast! Katararnir bera virðingu fyrir okkur og okkar hefðum og ætlast til þess á móti að við gerum það sama gagnvart þeim og þeirra hefðum. Samskiptin við þá eru þess vegna mjög góð.“

Og framtíðin er óráðin:

„Við sjáum hvað gerist í janúar. Þá byrjum við að ræða aftur við félagið og sjáum hvernig málin standa. Við erum áhugasöm um að vera aðeins lengur í Katar og ég gæti vel hugsað mér að klára ferilinn þar – fyrir utan það að ég ætla að spila eitt sumar með Þór áður en ég legg skóna á hilluna. Mér líður það vel í dag að ég er ekkert að velta því fyrir mér hvenær ég muni hætta. Ég sé til hvernig staðan verður þegar samningurinn rennur út í Katar, hvort mér býðst að vera þar áfram eða hvort eitthvað annað spennandi verður í boði. Ég ætla bara að láta það ráðast. Á meðan líkaminn leyfir ætla ég að spila en þegar að því kemur að ekkert spennandi verður lengur í boði þá snýr maður sér bara að öðrum verkefnum.“

Aron Einar hefur farið í ótalmörg viðtöl í gegnum tíðina, en þetta viðtal fór afar illa í marga þá sem lesa efni frá Akureyri.net, og athugasemdirnar snúa flestir að meintu broti Arons Einars sem enginn getur þó bent nákvæmlega hvað er, hvað þá komið með  sönnun.

Heimild: Akureyri.net

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -