Föstudagur 12. ágúst, 2022
8.8 C
Reykjavik

Þorgerður Katrín segir Morgunblaðið á sömu slóðum og Trump

Helgarviðtalið

- Auglýsing -

Orðrómur

- Auglýsing -

Þjóðþekktir Íslendingar létu ýmis áhugaverð ummæli féllu í vikunni. Mannlíf tók nokkur saman.

 

„Flugfreyjur standa nú í stórkostlega erfiðri baráttu. Á þær á að leggja hræðilegar byrðar; ábyrgðina á að fórna réttindum sem áratuga barátta hefur fært þeim.“
Sólveig Anna Jónsdóttir, formaður Eflingar, um kjaraviðræður flugfreyja og Icelandair.

Það er óburðugt að fylgjast með utanríkisráðherra úr Sjálfstæðisflokki síðustu misserin. Yfirmenn hans í ráðuneytinu dingluðu honum inn í Mannréttindaráð SÞ. Heitið er öfugmæli og ráðið verður SÞ reglubundið til minnkunar.“
Í staksteinum Morgunblaðsins hefur undanfarið verið skotið fast á Guðlaug Þór Þórðarson utanríkisráðherra og ráðuneyti hans.

„Nú gerist það svo að Morgunblaðið heldur inn á þessar sömu slóðir með því að grafa undan alþjóðastofnunum og setja sig í stellingar sem klappstýra stjórnmálaleiðtoga á borð við Orbán og Trump. Í blaðinu er nú hæðst að utanríkisráðherra fyrir að standa vörð um vestræn gildi í félagi við utanríkisráðherra Norðurlandaþjóðanna.“
Þorgerður Katrín Gunnarsdóttir, formaður Viðreisnar, setur út á gagnrýni Morgunblaðsins á Guðlaug Þór, í pistli sem birtist í blaðinu í vikunni.

„Fyrir síðustu helgi fékk ungt fólk í tveimur fjölskyldum gefins um 13% af öllum fisk í landhelginni. Til þess var barist. Og svo borga þau líklega sáralitla skatta af þessari gjöf.“
Gunnar Smári Egilsson sósíalistaforingi um ákvörðun eigenda Samherja hf. að framselja hlutabréfaeign þeirra til barna sinna.

Af hverju á ríkið að bera þennan kostnað? Ferðamaður sem hefur efni á að koma til Íslands og leggur það á sig við þessar aðstæður hefur eflaust efni á að greiða fyrir sýnatöku, skyldi maður halda.“
Kolbrún Baldursdóttir, borgarfulltrúi Flokks fólksins, um þær fréttir að ríkið muni fyrst í stað bera kostnað af sýnatöku úr farþegum á Keflavíkurflugvelli þegar þeir koma til landsins 15. júní.

- Auglýsing -

„Það eru markviss skemmdarverk gerð á því af hálfu borgarstjóra og meirihlutans í borginni að Sundabraut verði aldrei að veruleika. Ástæðan er þessi ofuráhersla á borgarlínu.“
Vigdís Hauksdóttir, borgarfulltrúi Miðflokksins.

„Ýmsir hljóta að spyrja þessa dagana hvort ekki sé það manntak í Sjálfstæðisflokknum sem dugi til að hrinda af sér þessari ráðstjórn VG á flokknum.“
Ólafur Ísleifsson, þingmaður Miðflokksins, er ósáttur við að Vinstri grænir skuli hafa komið í veg fyrir framkvæmdir NATO á Suðurnesjum án rökstuðnings.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -