Afmælisbarn dagsins er hin skelegga þingkona Pírata, Þórhildur Sunna Ævarsdóttir en hún fagnar í dag þrítugasta og fimmta árinu sínu.
Þórhildur hefur setið á þingi fyrir Pírata síðan 2016 og hefur vakið athygli fyrir kröftuga framgöngu og ákveðnar skoðanir sem hún viðrar óhikað.
Mannlíf heyrði í Þórhildi Sunnu og spurði hana út í afmælisdaginn.
„Ég er á leið til afa míns en við deilum saman afmælisdeginum. Við ætlum að borða saman í hádeginu. Svo fer ég auðvitað á þingið að horfa á Zelensky. Svo verð ég með veislu heima hjá mér í kvöld.“
Aðspurð um það hvað sé svo framundan hjá henni sagðist hún vera á leið í vinnuferð.
„Ég fer bráðum til Parísar í vinnuferð. Það er alltaf gaman að koma þangað.“
Mannlíf óskar Þórhildi innilega til hamingju með afmælið.