Mánudagur 22. apríl, 2024
2.6 C
Reykjavik

Tólfan fyrir leikinn í kvöld: „Viljum heilbrigðara og fallegra samfélag, krefjumst byltingar“

VefTv

- Auglýsing -

Hlaðvörp

- Auglýsing -

Ísland mætir Rúmeníu í Laugardal í kvöld í undankeppni fyrir HM karla í knattspyrnu sem fram fer á næsta ári.

Íslenska karlalandsliðið í knattspyrnu hefur oft mætt mótlæti í knattspyrnuleikjum í gegnum tíðina, og síðustu níu árin hefur liðinu nánast gangið allt í haginn inni á vellinum.

En nú er mótlætið af öðrum toga – pressan er öðruvísi og markast fyrst og síðast af hneykslismálum tengdum leikmönnum landsliðsins sem leikið hafa með liðinu síðustu árin.

Stuðningsmannafélagið Tólfan hefur ekki snúið baki við landsliðinu, en það vill sjá breytingar utan vallar.

Tólfan er þekkt fyrir frábæran stuðning við íslenska karlalandsliðið í knattspyrnu og mun halda áfram að styðja við bakið á landsliðinu, en hins vegar sé nú komið að breytingum og Tólfan kallar einfaldlega eftir nýjum og breyttum raunveruleika sem er án ofbeldis, en óhætt er að segja að mikil og neikvæð umræða hafi skapast í kringum karlalandsliðið í fótbolta.

Tólfan tók sig til og sendi frá sér yfirlýsingu varðandi málefni KSÍ.

- Auglýsing -

„Það hefur ekki farið fram hjá neinum að mikil umræða hefur skapast í kringum karlalandsliðið í fótbolta. Umræðan er hluti af stærra máli þar sem öflugt fólk – hetjur okkar tíma, þolendur ofbeldis – gerir þá einföldu og sanngjörnu kröfu að skapað verði samfélag án ofbeldis. Þöggun, meðvirkni og leyndarhyggja skulu þar með heyra sögunni til.“

Kröfur Tólfunnar eru einfaldar og sanngjarnar og ná í raun langt út fyrir KSÍ – í raun áskorun til samfélagsins um að taka sig á:

- Auglýsing -

„Í raun er einfaldlega krafist heilbrigðara og fallegra samfélags. Krafist er byltingar.
Knattspyrnuheimurinn hefur, vegna hegðunar leikmanna liðsins og óviðunandi viðbragða knattspyrnuyfirvalda, orðið miðpunktur þessarar byltingar. Eðlilega,“ og bætt er við:

„Stuðningsmannafélagið Tólfan vill koma því skýrt á framfæri,að lykilsetning félagsins hefur alltaf verið: „Ekki vera fáviti.“ Ofbeldi er fávitaskapur – í öllum sínum myndum.“

Þá kemur fram að „Tólfan fordæmir allt ofbeldi og vill á sama tíma koma á framfæri þakklæti til þeirra einstaklinga sem fram hafa komið og sýnt gríðarlegan kjark með því að segja sínar sögur. Það eru þið, með ykkar vinnu sem skapið grunn að heilbrigðara og fallegra samfélagi. Við stöndum með þolendum.

Einnig að „Stuðningsmannafélagið Tólfan hefur ávallt reynt að styðja íslensku landsliðin af öllu hjarta, með jákvæðum hætti, og hefur það vakið athygli utan landsteinanna.

Það verður að viðurkennast að erfitt hefur reynst að finna jákvæðnina í öldurótinu en Tólfan hefur ákveðið að fram að 12. mínútu leiksins mun Tólfan sitja og engir söngvar koma frá stúkunni, þeir sem kjósa og eiga, bera bönd Bleika Fílsins og vera með Fokk ofbeldi húfur á komandi leikjum og hvetjum við þá sem eiga slíkt að koma með á leikinn. Einnig var ákveðið að skella í einn borða með stuðningsyfirlýsingu til þolenda. Einnig munum við taka samtalið við KSÍ og koma okkar skoðunum á framfæri við þau.
Vonar Tólfan að með þessu verði skapaður grunnur að nýju upphafi, nýju jákvæðara samfélagi.

Með því skorar Tólfan á þjóðina alla að mæta á völlinn og styðja við liðið.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -