Tveir látist á síðasta sólarhring

Á síðasta sólarhring hafa tveir sjúklingar látist á Landspítalanum vegna Covid-19. Þetta kemur fram í tilkynningu á vef spítalans.

„Á síðasta sólarhring hafa tveir sjúklingar látist á Landspítala vegna Covid-19. Landspítali vottar fjölskyldum þeirra samúð,“ segir í tilkynningunni.

Samkvæmt heimildum Mannlífs er annar einstaklingurinn sem lést kona um áttrætt.