Útvarpsstjarnan Ólafur Páll Gunnarsson er ekki sáttur við að lögreglan sitji fyrir löghlýðnum borgurum:
„Ég var sektaður fyrir of hraðan akstur í vikunni sem leið – í miðbænum á Akranesi á 37 km hraða.
Ég var líka sektaður á leið til mömmu í kaffi í fyrra á 37.“
Hann bætir við:
„Löggan situr fyrir annars löghlýðnum borgurunum á ómerktum bíl og flassar á lögbrjótana,“ segir Óli Palli og heldur áfram:
„Ég spurði lögreglumanninn sem flassaði á mig í vikunni hvers vegna þeir væru að þessu og hann sagði: Til þess að ná niður hraðanum.
Ég er búinn að vera að hugsa um þetta síðan. Hraðakstur er hættulegur og hraðinn drepur. En er yfirvöldum svona annt um okkur borgarana að þau sekta okkur fyrir að vera á 37 á leiðinni í kaffi til mömmu.“