Opnunarhátið Vetrarólympíuleika fatlaðra 2022, fór fram í höfuðborg Kína, Peking í dag. Það var Hilmar Snær Örvarsson sem var fánaberi Íslands sem var tólfta landið í innmarseringarröðinni.
Fram kemur á hvatisport.is að um sé að ræða aðrir leikar Hilmars á ferlinum en hann tók þátt í sínum fyrstu Ólympíuleikum árið 2018 en í bæði skiptin hefur hann verið eini fulltrúi Íslands og fánaberi á leikunum.
Ljósmynd: hvatisport.is skjáskot
Ólympíuleikarnir eru haldnir í skugga innrásar Rússlands sem með athæfi sínu braut friðarsamkomulag Ólympíuleikanna en á síðustu stundu var ákveðið að leyfa Rússum ekki að keppa á leikunum.
Setningarathöfnin var glæsileg eins og við var að búast en þar tók fjöldi kínverskra afreksmanna úr röðum fatlaðra, þátt í athöfninni. Forseti IPC, Andrew Parsons sagði m.a. í ræðu sinni við hátíðina að 21. öldin væri tími samræðu og háttvísi, ekki stríðs og haturs og að friðarsáttmáli Ólympíuleikanna og Paralympics yrði að virða.
Ljósmynd: hvatisport.is skjáskot
Peking varð með setningarathöfninni, fyrsta borg heimsins til að halda bæði Sumar- og vetrarleika en setningarhátíðin fer fram í hina fræga Fuglshreiðri. Þrjár þjóðir munu keppa í fyrsta skiptið en það eru Aserbaídjan, Ísrael og Púertó Ríkó.
Á morgun hefjast leikar en þá verður keppt í alpagreinum, skíðaskotfimi, íshokký og hjólastóla-krullu. Skíðamaðurinn Hilmar Snær frá Víkingi mun keppa í stórsvigi 10. mars og í svigi 12. mars. Hilmir og fylgdarhópur hans er svo væntanlegur aftur heim þann 15. mars.
