„Við getum ekki lengur stungið höfðinu í sandinn. Það er tilvalið verkefni að úthýsa uppbyggingu lestar til Keflavíkur ef verkefnið reynist hagkvæmt en ákvörðun um þetta er vitaskuld á ábyrgð ríkisins,“ sagði Þórdís Lóa Þórhallsdóttir forseti borgarstjórnar Reykjavíkur, í samtali við Fréttablaðið
Tilefnið er lokun Reykjanesbrautar vegna ófærðar eins og raunin hefur verið undanfarið; þá hafi engin varaáætlun verið til; um 30.000 manns, þeirra á meðal mjög margir ferðamenn, lent í miklum vanda.
Framkvæmdastjóri Samtaka ferðaþjónustunnar, Jóhannes Þór Skúlason, segir það vera þess virði að ræða hugmyndir um lest til Keflavíkur; en þá umræðu ætti hins vegar að taka án þess að tengja við ófærð og óveður:
![](https://www.mannlif.is/wp-content/uploads/2021/12/IMG_8898-scaled-e1638530840527-1024x594.jpg)
„Þetta er stærra mál en svo að við hendum upp lest bara af því að það varð ófært tvo daga á síðasta ári. En lest yrði eflaust afskaplega góð viðbót við Keflavíkurflugvöll. Það stendur þó allt og fellur með hagkvæmni,“ segir Jóhannes.
![](https://www.mannlif.is/wp-content/uploads/2023/01/Lest-1024x576.jpg)
Samkvæmt því sem Fréttablaðið segir hefur kostnaður við fluglest verið metinn á bilinu 100 til 200 milljarðar íslenskra króna.