- Auglýsing -
Landsliðsmarkvörðurinn frábæri, Björgvin Páll Gústavsson, fór í viðtal við Handbollskanalen í Svíþjóð, þar sem HM í handbolta fer fram þessa dagana.
Björgvin ræddi meðal annars bók sína Barn verður forseti.
Í áðurnefndu viðtali talaði Björgvin um heimsókn sína á Bessastaði árið 2008, eftir að íslenska handboltalandsliðið fékk silfur á Ólympíuleikunum í Peking í Kína:
„Þegar ég fékk fálkaorðuna eftir Ólympíuleikana 2008 var ég virkilega ánægður, en ég hugsaði líka með sjálfum mér að einn daginn verður það ég sem afhenti fálkaorðuna í stað þess að taka við henni,“ sagði Björgvin, sem var þá spurður hvort hann hafi áhuga að verða forseti Íslands:
„Já. En tíminn einn mun leiða það í ljós hvort ég muni bjóða mig fram til embættis forseta.“