Sunnudagur 29. janúar, 2023
-0.2 C
Reykjavik

Villandi tilboð hjá sveitahóteli. „Auglýstu gistingu fyrir tvo með morgunverði á aha.is“

Helgarviðtalið

- Auglýsing -

Orðrómur

- Auglýsing -

Basalt Hotel er sakað um að  hafa sett fram villandi tilboð sem auglýst var á aha.is. Boðið er uppá gistingu fyrir tvo í fallegu herbergi ásamt morgunmat í aðeins klukkutíma fjarlægð frá höfuðborgarsvæðinu. Ekki er getið um hvernig herbergi það er.  Þegar grannt er skoðað kemur í ljós að fólk getur fengið gistingu með beinum viðskiptum, jafnvel fyrir lægra verð en tilboðið hljóðar upp á.

Fullt verð er samkvæmt tilboðinu 32.000 en með 37 prósenta afslætti kostar gistingin 19.900. Tilboðið gildir frá 4.janúar 2023 til 11. nóvember 2023.

Ef leitað er að gistingu á þessu tímabili á heimasíðu hótelsins til dæmis frá 18 til 19 janúar þá er verðið 18.000 fyrir standard herbergi og 22 þúsund fyrir superior herbergi. Ef tekið er tímabilið frá 13 til 14 júní þá er standard herbergi á 25.920 og superior á 27.540 og frá 16 til 17 september er standard herbergi á 18.000 og superior á 21.870.

Af þessum tölum má sjá að þær passa engan vegin við það tilboð sem er í gangi á aha.is

Mannlíf leitaði skýringa hjá Basalt Hotel og fékk neðangreind svör:

Tilboðið gildir hvenær sem er á árinu og tekur engum breytingum hvort sem bókað er á háanna tíma eða ekki og/eða verð á herbergjum hækkar eða lækkar.  Verðið sem við göngum út frá er hæsta verð fyrir herbergið á árinu en svo stýrum við verðinu á herbergjum eftir eftirspurn.  Rétt eins og önnur hótel gera og t.d. flugfélög.
Virðingarfyllst
Hjördís Geirdal
Þó að það sé ekkert rangt í þessu tilboði þá er það engu að síður villandi og betra að skoða hlutina áður en stokkið er á tilboð sem hljóma vel.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -