Þórólfur Guðnason sóttvarnarlæknir fagnar 67 ára afmæli sínu í dag. Af því tilefni sömdu vinir og vandamenn hans lag og texta um snillinginn sem þeim þykir svo vænt um.
Laginu, sem hópurinn kallar „Hann Þórólfur“, smelltu vinir og ættingar Þórólfs inn í sönggrúbbuna Syngjum veiruna burt á Facebook. Þar mæta leynigestir til leiks og getur þú horft að myndbandið hér að neðan. Í texta með færslunni er skrifað:
„Elsku Þórólfur okkar, innilega til hamingju með afmælisdaginn frá vinum þínum og vandamönnum í tónlistarhópnum „Vinir og vandamenn“.
Við viljum að þú vitir og finnir að við, og margir margir margir fleiri Íslendingar, standa heils hugar á bak við þig og þín afburða góðu og fórnfúsu störf í þágu lands og þjóðar. Við getum ekki ímyndað okkur hvers konar álag það er að þurfa að taka allar þær ákvarðanir sem þú hefur á herðunum, þurfa að taka tillit til allra þeirra sjónarmiða og hagsmunaaðila sem störf þín snerta, og að halda sönsum í gegnum það allt. En hitt vitum við og sjáum, að þú höndlar það eins og allt annað, með algjörum glæsibrag. Þú ert snillingur og okkur þykir mjög vænt um þig.
Í tilefni dagsins hlóðum við í lítið lag fyrir þig, fengum góða gesti til að leggja málstaðnum lið og vonum að þú njótir og hafir gaman af.
Þínir Vinir og vandamenn“
Hér má svo finna upplýsingar um flutninginn:
Tónlistarflokkurinn „Vinir og vandamenn“ fluttu lagið:
„Hann Þórólfur“
LAG OG TEXTI:
Leifur Geir Hafsteinsson
FRAM KOMU:
Birgir Hrafn Hafsteinsson, söngur og mandólín
Gísli Helgason, söngur, hristur og munnharpa
Hafsteinn Breki Birgisson, söngur
Hafsteinn Guðfinnsson, söngur og bassi
Hafsteinn Þórólfsson, söngur
Jónína Björg Bjarnadóttir, söngur
Kristján Steinn Leifsson, söngur og trompet
Leifur Geir Hafsteinsson, söngur og kassagítar
Ólafur Ástgeirsson, söngur
OG EKKI MÁ GLEYMA:
Kári Stefánsson
Björn Ingi Hrafnsson
HLJÓÐBLÖNDUN:
Gísli Helgason
SÉRSTAKAR ÞAKKIR
Hilmar Sverrisson, stjórn hljóðupptöku
Hildur Svava Leifsdóttir, myndbandsupptaka
Páll Magnússon, fyrir árangursríka milligöngu
Sighvatur Jónsson, tæknileg myndbandsbjörgun á síðustu stundu!