Frú Vigdís Finnbogadóttir átti 94 ára afmæli í gær og rifjuðu margir af því tilefni upp minningar um Vigdísi, á samfélagsmiðlunum. Þar á meðal var forsetaframbjóðandinn Steinunn Ólína Þorsteinsdóttir.
Leikkonan og forsetaframbjóðandinn Steinunn Ólína Þorsteinsdóttir rifjar upp minningu úr barnæsku sinni, þergar Vigdís Finnbogadóttir var kjörin forseti Íslands, fyrst allra kvenna í heiminum í lýðræðislegri kosningu. Óskar Steinunn svo Vigdísi til hamingju með afmælið og þakkar henni fyrir að hafa rutt brautina fyrir konur.
Hér má lesa færsluna í heild sinni:
„Ég var 11 ára þegar Vigdís Finnbogadóttir var kjörin forseti Íslands. Þá sumarnótt, var ég í sveitinni hjá ömmu Línu og þær vinkonurnar, Jóhanna á Arnarhóli og hún, vöktu spenntar yfir sjónvarpinu. það gerði ég líka því auðvitað fór það ekki fram hjá mér að þetta var merkileg stund. Þegar úrslitin voru ljós hringdi mamma og nánast æpti af gleði eitthvað á þessa leið: Steina! Vigdís er orðin forseti, fyrst allra kvenna í heiminum!