Fjöldi manns kemur Illuga til hjálpar og gefur góðar ráðleggingar í baráttunni við aukakílóin en eins og kom fram í gær þá stefnir Illugi að því að losa sig við 50 kíló á árinu 2023. Tæplega 300 manns hafa sent honum ráðleggingar og baráttukveðjur. Hér má sjá örlítið brot af þeim.
„Farðu bara vel með sjálfan þig. Minni matarskammta, hreyfing og nóg af vatni til drykkjar. Þolinmæði. Svo kemur þetta rólega,“segir Kolbrún.
„Ég tók af mér 22 kíló“
„Skipuleggja allar máltíðir fyrirfram, borða af litlum diskum, sleppa hveiti og sykri og ganga 10.000 skref á dag. Nota eitthvað feitt í salat, t.d. dressing og/eða ost (eykur seddutilfinningu og hollt). Fyrst og fremst reyna að finnast þetta skemmtilegt verkefni því þá mun það ganga betur og þá fer það að verða skemmtilegt í alvörunni,“ segir Gyða.
„Ég tók af mér 22 kíló á 10 mánuðum held það sé hollt að fasta og æfa,“ segir Bubbi Morthens.
Valdimar tekur í sama streng. „Þetta föstudæmi 8/16 eða 6/18 virkar rosalega. Borða hvað sem er styttri tímann svo bara vökva, te eða eitthvað slíkt hinn tímann.“
„Búinn að prófa nokkrar útgáfur en enda alltaf i þessari einföldu basic; Út með augljósa óhollustu og hreyfing. Ef þessi tvö grunnatriði eru í gangi þá næ ég alltaf árangri. Svo koma atriði í kjölfarið sem hjálpa mikið eins og að drekka vatn, sofa nóg, kunna sér hóf í mat og að hreyfingin reyni á vöðva og lungu.“ Gangi þér vel segir Sveinn Waage.
„Taktu út kolvetni: Kartöflur, hrísgrjón, brauð. Byrjaðu þar og drekktu svo mikið vatn. Þá byrjar vigtin að hreyfast í rétta átt,“ segir Súsanna.
„Vel gert. Fyrsta skrefið er mikilvægast. Þetta er hægt ef hugarfarið er rétt. Héðan færðu hugheilan stuðning,“segir Eyvindur Karlsson.
„Ég held að mestu máli skipti að taka upp matarvenjur sem þú getur hugsað þér til frambúðar. Kúrar duga svo skammt. Gangi þér vel,“ segir Hulda.
„Ég hef tekið margra mánaða skorpu þar sem ég tók út svotil allan viðbættan sykur, það var alveg magnað hvað það eitt og sér gerði mikið,“ segir Alexander