Eitt er jafn mikill vorboði og koma lóunnar og páskahretið á Íslandi, en það er ásökun um lagastuld í Eurovision.
Yfirleitt eru það lagahöfundar sigurlagsins sem verða fyrir ásökunum um lagastuld og stundum má heyra líkindi með lögunum en stundum alls ekki, sitt sýnist hverjum og það allt. Sigurlagið í ár er nú sagt líkjast tveimur lögum frá mismunandi hljómsveitum. Í raun er átt við mismunandi kafla lagsins Tattoo sem Loreen samdi ásamt þeim Jimmy Thörnfeldt, Jimmy Jansson, Moa Carlebecker, Peter Boström og Thomas G:son. Fyrir tveimur mánuðum birtist myndskeið á YouTube þar sem lagið Tattoo var borið saman við tvö mjög ólík lög, Flying Free með Pont Aeri og The Winner Takes It All með súpergrúbbunni ABBA. Nú, þegar lagið er búið að sigra Eurovision hefur myndskeiðið farið á svolítið flug á samfélagsmiðlunum.
Hér má sjá myndskeiðið: