Billie Eilish tilkynnti rétt í þessu að nýjasta plata hennar, Hit Me Hard and Soft komi út 17. maí næstkomandi.
Tónlistarundrið Billie Eilish tilkynnti aðdáendum sínum á Instagram rétt í þessu að þriðja plata hennar í fullri lengd komi út 17. maí næstkomandi. Platan ber heitið Hit Me Hard and Soft, sem á íslensku myndi sjálfsagt vera: Sláðu mig fast og laust.
Svona hljóðaði tilkynning Billie (þýtt lauslega yfir á íslensku):
„„HIT ME HARD AND SOFT“ MÍN ÞRIÐJA PLATAAAAAAAAAAAAA KEMUR ÚT 17. MAÍ AAAAAAAAAA svo ruglað að skrifa þetta núna ég er nervusssss og spennttt. gef ekki út smáskífur ég vil gefa ykkur þetta allt í einu :PPP finneas og ég gætum ekki verið stoltari af plötunni og við getum bókstaflega ekki beðið eftir að þið heyrir hana. elska ykkur elska ykkur elska ykkur.“
Þrjú ár eru síðan síðasta plata Eilish og bróður hennar Finneas kom út, Happier Than Ever en Billie, sem byrjaði að taka upp tónlist þegar hún var 13 ára, hefur hlotið 9 Grammy verðlaun og tvenn Óskarsverðlaun auk fjöldi annarra verðlauna fyrir tónlist sína í gegnum tíðina. Billie er aðeins 22 ára gömul.
View this post on Instagram