Vesturbærinn hefur lengi vel verið eitt eftirsóttasta hverfið á höfuðborgarsvæðinu. Við Fornhaga 19 í stendur fjórbýlishús en er það á horni Fornhaga og Hjarðarhaga. Fasteignasalan Lind hefur á skrá hjá sér eina hæð í húsinu sem er mikið endurnýjuð, stórglæsileg og hafa núverandi eigendur þakið veggina af stórkostlegri list.
![](https://www.mannlif.is/wp-content/uploads/2022/02/thumb-18.jpg)
Íbúðin er fimm herbergja og skráð 149,1 fermetrar að stærð. Þar af er bílskúr sem breytt hefur verið í snyrtilega stúdíóíbúð 39,6 fermetrar og því frábær möguleiki á leigutekjum.
![](https://www.mannlif.is/wp-content/uploads/2022/02/thumb-14.jpg)
Gengið er inn í íbúðina upp stiga en sjávarútsýni er úr stofunni. Borðstofa og stofa eru samliggjandi og fallegir skrautlistar í lofti passa sérstaklega vel við íbúðina en húsið er byggt árið 1957. Núverandi eigandi hefur svo sannlega “masterað“ uppsetningu á húsgögnum og hlýja tóna í húsgögnum og mottum má sjá í öllum herbergjum.
![](https://www.mannlif.is/wp-content/uploads/2022/02/thumb-17.jpg)
Eldhúsið hefur verið endurnýjað og er það eitt besta dæmi um hvernig hægt er að blanda saman gömlu og nýju. Gott skápapláss og takið eftir bekknum við gluggann.
![](https://www.mannlif.is/wp-content/uploads/2022/02/thumb-12.jpg)
Baðherbergið hefur einnig verið tekið í gegn og plássið þar nýtt sem best. Glerið í sturtunni opnar rýmið og gefur baðherberginu þannig flæði svo það virkar töluvert stærra. Góð lýsing er á baðherbeginu, meðal annars innbyggð veggljós líkt og sést á mynd.
![](https://www.mannlif.is/wp-content/uploads/2022/02/thumb-15.jpg)
Stúdíóíbúðin er snyrtileg og hver einasti fermeter vel nýttur. Fyrir þá sem vilja sjá meira af þessari fallegu eign er hægt að nálgast upplýsingar á vef fasteignasölunnar en þar má einnig sjá fleiri myndir.
![](https://www.mannlif.is/wp-content/uploads/2022/02/thumb-16.jpg)