- Auglýsing -
Glúmur Baldvinsson heldur enn í vonina um að giftast ABBA-stelpunum.
Alþjóðastjórnmálafræðingurinn og spéfuglinn Glúmur Baldvinsson skrifaði færslu í gær, sjálfsagt af tilefni af 50 ára afmæli sigurlags ABBA í Eurovision. Þar segir hann frá ævilangri ást sinni til þeirra Agnethu og Anni-Fridu í sænska ofurbandinu ABBA. Segir hann vinina hafa í æsku rifist um það hvort þeirra væri sætari en Glúmur elskaði þær báðar. Og dreymir enn um að giftast þeim báðum.
Hér má sjá færsluna grínaktugu:
„Þegar ég var lítill púki á Ísafirði elskaði ég Abba og stal öllum plötum þeirra úr Eplinu hans Rabba. Einu plötubúð bæjarins í þann tíð.
En aðalatriðið hjá okkur vinunum var að rífast um hvor væri sætari, Agnetha eða Frida. Þetta var deilumál þess tíma. Þar lágu átakalínurnar og skotgrafirnar.
Sjálfur elskaði ég þær báðar og stefndi að því að kvænast þeim báðum þegar ég yrði stór.
Sá draumur lifir enn.
The winner takes it all. And the winner takes them both.“