Guðný María hefur nánast sigrað ólæknandi krabbameinið: „Dansa og hleyp eins og vindurinn“

Guðný María Arnþórsdóttir er hæstánægð eftir nýjustu fréttirnar frá krabbameinslækni hennar.

Söngdívan og gleðibomban Guðný María hefur verið að glíma við ólæknandi krabbamein frá því á síðasta ári en hefur smá saman verið að ná aftur heilsunni með hjálp lyfjakúrsa. Segir hún í nýrri færslu á Facebook að krabbinn í blóði hennar sé ekki nema tvö prósent „og verður það trúlega alltaf, jafnvel þegar ég verð 121 árs,“ eins og hún orðaði það en hún hefur áður gefið það út að hún ætli sér að lifa ansi lengi.

Færslu hennar má lesa fyrir neðan:

„“þetta voru nú ALVÖRU krabbameinslyf sem við gáfum þér, en það er ekki að sjá á líkama þínum“ sagði Brynjar læknir brosandi við mig, eftir áttunda og síðasta lyfjakúrinn sem hann hann gaf mér á nýju ári og eftir rannsókn á líkamsástandi mínu

Ég er ótrúlega þakklát hvort sem ég ætti að þakka þér, lífsháttum mínum eða sterkum genum

Núna eykst þrek mitt og þol á hverjum degi, ég gat farið tvo daga í röð í ræktina í vikunni sem ég var löngu hætt að geta

Dansa og hleyp eins og vindurinn, þetta verður skemmtilegasta árið í lífinu mínu …..

takk, takk fyrir þig, love you“

Mannlíf sendir Guðnýju Maríu kærar batakveðjur!