Miðvikudagur 17. apríl, 2024
1.8 C
Reykjavik

Hallgrímur um Netanyahu og Putin: „Þeir fá sameiginlegt herbergi í Helvíti til að stikna í“

VefTv

- Auglýsing -

Hlaðvörp

- Auglýsing -

Hallgrímur Helgason er djúpt snortinn eftir bíóferð í gær.

Rithöfundurinn og málarinn Hallgrímur Helgason fór í Bíó Paradís í gær að sjá heimildarmyndina 20 days in Mariupol eftir Pulitzer-verðlaunablaðamanninn Mstyslav Chernov en myndin er tilnefnd til Óskarsverðlauna þetta árið.

Í mars 2022 réðist rússneski herinn á úkraínsku borgina Mariupol, og blaðamenn á staðnum byrjuðu að taka upp allan þann hrylling sem fylgdi innrásinni í borgina. Hallgrímur Helgason segir frá upplifur sinni á myndinni sem hann sá í Bíó Paradís í gær og segir engan sitja „ógrátandi undir þessu þrekvirki.“ Þá segir Hallgrímur að Putin Rússlandsforseti noti sömu aðferðir og Netanyahu á Gaza: „Ræðst alltaf á það allra heilagasta, alltaf beint á skjólið,“ og bætir við að þeir fái „sameiginlegt herbergi í Helvíti til að stikna í.“

Færsluna má lesa hér í heild sinni:

„„Í stríði breytist fólk. Gott fólk verður betra og vont fólk verður verra”. – Myndavélin andar stöðugt, stöðugt á flótta undan sprengjuregni, á meðan alltof margir á tjaldinu hætta því. Það situr enginn ógrátandi undir þessu þrekvirki sem sýnir okkur innrás Rússa í beinni, linnulausar loftárásir og síðan skriðdreka og leyniskyttur, í mars 2022. Allt er skotmark fyrir þessum skepnum, íbúðablokkir, skólar og síðan fæðingardeildin eins og frægt varð. Þarna sjáum við stundirnar fyrir og eftir fréttamyndirnar frægu. Við þurfum að horfa á alltof mörg börn deyja, en líka mæður, feður, ömmur og afa. Og lækna sem vinna þrekvirki tuttugu sinnum á dag, þar til að sjálft sjúkrahúsið skelfur. “Kondu hér inn og filmaðu! Sýndu Pútín augun á þessu barni sem við erum að missa hérna!!” æpir einn læknirinn út af skurðstofunni. Pútín beitir alveg sömu aðferðum og Netanyahu, ræðst alltaf á það allra heilagasta, alltaf beint á skjólið, enda munu þeir fá sameiginlegt herbergi í Helvíti til að stikna í, Peskov og Lavrov fá svo annað saman. Þetta er mynd sem grætir og reiðir, gerir mann nánast óðan. Boðsýning í Bíó Paradís í kvöld, vonandi fer hún í almennar sýningar og fær óskarinn og allt. Sjaldan hefur máttur kvikmynda-miðilsins verið meiri en hér.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -