Haraldur Ingi Þorleifsson athafnamaður hefur gefið út sína fyrstu smáskífu, Almost Over You. Og viðbrögðin eru frábær.
Haraldur eða Halli eins og hann er oftast kallaður, tilkynnti útgáfuna á Twitter þar sem hann segir: „Ok, ég skil að tímasetningin er skrítin en: Þegar ég var ungur var ég hræddur. Ég gerði tónlist en aðallega bara fyrir sjálfan mig. En fyrir tveimur árum byrjaði ég að vinna að plötu og í dag gef ég út fyrsta lagið undir nafninu Önnu Jónu Son.“ Varðandi tímasetninguna átti Halli við að tímasetningin sé skrítin því hann hafi átt í Twitter stríði við Elon Mush sjálfan nokkrum dögum fyrir tilkynninguna og hafa margir sakað hann um að setja rifrildið á svið en Halli segir það ekki rétt.
Hann útskýrir svo í athugasemd við færslu sína nafnavalið, Önnu Jónu Son:
„Ég valdi sviðsnafnið Önnu Jónu Son. Sem þýðir sonur Önnu Jónu, móður mína sem dó þegar ég var ungur. Með því að bera nafn móður minnar, gat ég notað minningu hennar, ást, stuðning og umhyggju sem vörn gegn sjálfsefa og ótta við ytri gagnrýni.“
Horfa má á myndbandið við lagið hér fyrir neðan en það er tekið upp á eyju innan Írans.