Miðvikudagur 27. mars, 2024
-0.2 C
Reykjavik

Innsti hringur Britney óttast um geðheilsu hennar – Samþykkti að hitta lækni

VefTv

- Auglýsing -

Hlaðvörp

- Auglýsing -

Einstaklingar í innsta hring poppdívunnar Britney Spears, hafa vaxandi áhyggjur af geðheilsu söngkonunnar.

Samkvæmt TMZ hefur hin 41 árs gamla söngkona verið að ströggla við geðheilsu sína undanfarið og verið að taka lyf sem „hafa örvandi áhrif á hana.“

Heimildir herma að Britney hafi verið að „missa það algjörlega“ undanfarið og að hún sé ekki að taka þau lyf sem gera hana stöðugri. Hefur hegðun hennar orðið til þess að sumir úr hennar innsta hring hafa íhugað inngrip.

TMZ segir einnig að gerð hafi verið áætlun þar sem fara átti með Britney í leiguhúsnæði í Los Angeles-borgg þar sem eiginmaður hennar, Sam Asghari, umboðsmaður hennar, inngripssérfræðingur og læknar myndu bíða og gera tilraun til að sannfæra söngkonuna um að fá hjálp. Sú áætlun fór hins vegar í vaskinn þegar Britney komst að þessu en þó samþykkti hún að hitta lækni þann 8 febrúar en að heimildarmaður TMZ sagði það hafa „gengið vel.“

Í janúar vakti það athygli þegar Grammy-verðlaunahafinn Britney fór út að borða með eiginmanninum á veitingastað í Los Angeles-borg. Í myndskeiði sem TMZ birti sést sönkonan sitja ein við borð, talandi samhengislaust út í loftið.

Eiginmaður hennar varði hana síðar og sagði atvikið „pirrandi.“

- Auglýsing -

„Fólk verður oft of æst við að sjá konu mína,“ sagði hann ljósmyndara þann 16. janúar. „Þegar þú sest niður til að fá þér að borða og fólk rífur upp myndavélarnar og byrjar að taka upp, þá er það vanvirðing.“

Lögregluheimsókn

Þá fengu margir fyrir hjartað þegar lögreglan bankaði upp á hjá Britney til að athuga með velferð hennar. Talsmaður lögreglunnar í Ventura-sýslu í Los Angeles, sagði í viðtali við People að lögreglumenn hafi fengið fjöldi símtala frá aðdáendum hennar sem höfðu áhyggjur eftir að Britney eyddi út Instagram-reiknigi sínum.

- Auglýsing -

„Til vonar og varar fórum við heim til hennar til að athuga með velferð hennar og fengum það staðfest að hún var örugg og í engri hættu.“

Britney svaraði heimsókn lögreglu á Twitter en þar sagði hún heimsóknina hafa verið framkvæmd „vegna einhverra símaata.“

Þá talaði hún einnig um atvikið á veitingastaðnum. „Þetta leit út eins og það væri verið að gaslýsa mig og níðast á, þegar atvikið komst í fréttirnar en þarna er verið að sýna mig í lélegu og ósanngjörnu ljósi, af fjölmiðlum. Á þessum tímapunkti í mínu lífi vona ég að almenningur og aðdáendur mínir, sem mér þykir svo vænt um, geti sýnt einkalífi mínu virðingu framvegis.“

Fyrir rúmu ári síðan fékk Britney aftur vald yfir eigin líf eftir að hún var svipt sjálfræði fyrir 13 árum og faðir hennar gerður að lögráðamanni hennar.

„Ég er svo stolt að henni,“ sagði lögmaður hennar, Mathew Rosengart á þeim tíma. „Ég þakka henni. Ég þakka henni fyrir hugregkki hennar og kraft… Við trúum því að þetta hafi verið rétta niðurstaðan.“

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -