Stórleikarinn Jóhannes Haukur Jóhannesson bendir á það í færslu á Instagram-reikningi sínum að einhver sé að þykjast vera hann á Instagram. Segist hann ekki vita hver tilgangurinn sé en vill hann vara aðdáendur sína og vini við að treysta hermikrákunni.
Þegar hermikrákan, sem kallar sig JohannesHakur29, er skoðuð má sjá að hún notar nákvæmlega sömu ljósmynd og hinn raunverulegi Vikings-leikarinn en er með heldur færri fylgjendur. Jóhannes Haukur er með yfir 11 þúsund fylgjendur á Instagram en hermikrákan aðeins tæplega 400. Ekkert efni er að finna á síðu hermikrákunnar en hlekk er þar að finna sem leiðir mann að síðu Jóhannesar Hauks á imdb.com kvikmyndasíðunni.
Í færslu sinni skrifaði Jóhannes Haukur: „Þetta er ekki ég. Ég er ég! Þetta er svikahrappur en ég veit ekki hvatir hans… í bili. Endilega tilkynnið.“
View this post on Instagram