Miðvikudagur 29. júní, 2022
12.4 C
Reykjavik

Jóni Gnarr leiðist íslenskt dýralíf: „Mig langar geggjað mikið í íslenska þvottabirni“

Helgarviðtalið

- Auglýsing -

Orðrómur

- Auglýsing -

Skemmtikrafturinn, útvarpsmaðurinn og fyrrum borgarstjóri Reykjavíkur, Jón Gnarr, kom af stað skemmtilegri umræðu á Twitter er hann tvítaði um óspennandi dýralíf á Íslandi og er nokkuð víst að hann á sér skoðunarbræður og systur.

Í færslunni kvartar jón yfir því að ekki séu hér stærri skógar og fleiri villt dýr.

„Ég vildi að það væru fjölskrúðugari og stærri skógar á Íslandi og fleiri villtar dýrategundir. ég skil alveg að því fylgi ákveðið vesen og áhætta og líklega best ef hér væri bara áfram ekkert nema birki og rollur. Mér finnst það bara svo leiðinlegt.“

Ýmsar spaugilegar athugasemdir birtust fljótlega við færsluna en Hlynur nokkur tekur undir með Jóni og segir fátt jafn yndislegt og að ganga um alvöru skóg. „Bara ef við gætum hnikað eyjunni okkar til suðurs og inn í eitthvað lífvænlegra veðursvæði.“

Valþór kemur með hugmynd: „Sammála. Flytjum inn úlfa, bjóra og sauðnaut. Þá fyrst væri fútt á hálendinu.“

Þá kemur Óskar með nokkuð skemmtilega tillögu sem snýr að Öskjuhlíðinni. „Það væri hægt að byrja á að flytja inn nokkra apa í Öskjuhlíðina.“

- Auglýsing -

Kela langar mjög að fá hingað ákveðið meindýr: „Mig langar geggjað mikið í íslenska þvottabirni.“

Frigg segir það ömurlegt að koma frá Ástralíu til Íslands: „Að fara frá frumskógar landi eins og Ástralíu til Íslands var bara sorglegt, ég get ekki týnst í skógum hér, ég mun alltaf bara ráfa úr honum eftir svona kílometer. Er alveg sammála að það þarf fleir skógi.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -