Kristján Einar Sigurbjörnsson eða Kleini eins og hann kallar sig var stöðvaður af lögreglu fyrir klukkustund í bifreið sinni.
Mikið hefur mætt á áhrifavaldinum Kleina síðan í mars í fyrra en eftir að hafa verið í fangelsi á Malaga í átta mánuði fyrir alvarlegar líkamsárásir hefur hann verið iðinn við kolann á Instagram þar sem hann hefur birt ljósmyndir og myndbönd af sér mjög reglulega. Þá hefur hann svarað aðsendum spurningum eftir bestu getu. Aukreitis var Kleini handtekinn á Akureyri grunaður um akstur undir áhrifum áfengis eða lyfja en reyndist það ekki standast skoðun. Í gær tilkynnti svo hann að hann væri á leið í meðferð á Krýsuvík en hann á að hefja þá meðferð á miðvikudaginn kemur.
Í kvöld birti Kleini eftirfarandi myndskeið þar sem hann skrifar „Eineltið hættir ekki“ en þar sést lögreglubíll stöðva bifreið hans. Í samtali við Mannlíf sagði Kleini að fjórir lögreglubílar hafi stöðvað hann og hann hafi verið beðinn um að koma í einn þeirra. Þar hafi lögreglumennirnir tekið „í spaðann“ á honum og spurðu hvernig hann hefði það. Sögðu þeir honum svo að hann myndi „negla þetta“ og áttu þá líklegast við meðferðina á Krýsuvík. „Þetta er orðið einelti á heilbrigðum ríkisborgara sem er bara að reyna að koma undir sig fótunum. Þeir eru ekkert að gera þetta léttara fyrir mann ef maður þorir ekki út í bíl því maður verður stoppaður og fyrir ekki neitt. Þetta er bara óþolandi,“ sagði Kristján í samtali við Mannlíf. Hér má sjá myndskeiðið stutta: