Eins og alþjóð man eftir sló tónlistarmaðurinn Daði Freyr í gegn með framlögum sínum í Eurovision og söng sig inn í hjörtu heimsins. Einn af aðdáendum Daða er maður að nafni Simon Chong en hann er einn af leikstjórum Bob’s Burgers en þættirnir um kokkinn Bob Belcher og fjölskyldu hans eru með vinsælustu teiknimyndaþáttum heimsins í dag.
Simon ákvað upp á sitt einsdæmi að sýna Daða virðingu sína með því að teikna söngvarann sem persónu í Bob’s Burgers og má sjá Daða syngja meðan fjölskyldan vinnur á hamborgarastaðnum sem þau eiga.
Í Instagram-færslu Chong greinir hann frá því að hann hafi séð Daða á tónleikum í Los Angeles fyrir nokkrum vikum og það hafi verið innblástur hans. Eins og áður sagði eru þættirnir með þeim vinsælustu í heiminum um þessar mundir en 14. seríu lýkur í maí.
View this post on Instagram