Föstudagur 27. janúar, 2023
2.1 C
Reykjavik

Lúðvík prins stal senunni í árlegri jólagöngu konungsfjölskyldunnar – Myndir

Helgarviðtalið

- Auglýsing -

Orðrómur

- Auglýsing -

Lúðvík prins stal senunni í árlegri jólagöngu konungsfjölskyldunnar bresku.

E News! segir frá jólagöngu sem breska konungsfjölskyldan framkvæmir ár hvert fyrir framan fjöldi aðdáanda, einhverra hluta vegna. Þetta árið var það litli Lúðvík prins sem stal senunni.

Gangan var sú allra fyrsta sem hinn fjögurra ára gamli Lúðvík fór í með foreldrum sínum, Kate Middleton og Vilhjálmi prins, ásamt systkinum sínum, Georgi prins og Karlottu prinsessu. Gönguna fer breska konungsfjölskyldan í á jóladag ár hvert við sveitasetrið sitt við Sandringham, en endar hún í jólamessu.

Vilhjálmur prins og fjölskylda

Lúðvík litli var klæddur í dökkbláan jakka, stuttbuxum og hnéháum sokkum. Leiddi prinsinn litli móður sína þar sem þau gengu í átt að jólamessunni. Á meðan krónprinsinn Vilhjálmur heilsaði almenningi var Lúðvík litli myndaður þar sem hann togaði móður sína áfram í átt að kirkju hinnar heilögu Maríu Magdalenu.

Lúðvík var greinilega spenntur að mæta í messuna.

En Lúðvík var ekki sá eini sem þótti flottur í tauinu. Vilhjálmur prins og sonur hans Georg, níu ára, voru flottir í dökkbláum fötum og mæðgurnar Kate og hin sjö ára Karlotta vöktu athygli en Kate var í ólívugrænum jakka og Karlotta í trönuberjarauðum jakka.

Agalega lekkert öllsömul
Krúttið hún Karlotta

Er þetta í fyrsta sinn síðan 2019 sem gangan er farin en hún féll niður síðustu tvö ár vegna einhvers sem fáir nenna að tala um. Fremst í flokki göngunnar gengu konungshjónin, Karl III og drottning hans, Kamilla.

Karl III og Kamilla drottning fremst í flokki
- Auglýsing -

Gangan var sannarlega fjölskylduganga því þar mætti meðal annarra Beta Dís prinsessa ásamt eiginmanni sínum Edoardo Mapelli Mozzi og stjúpsyni hennar, Christopher Woolf (ef hann væri konungborinn væri nafn hans Kristófer Úlfur). Evgenía (áður ranglega kölluð Gína hjá Mannlífi), systir Betu Dísar gekk við hlið eiginmanns síns, Jack Brooksbank. Börn þeirra systra, hin 15 mánaða gamla Sanna og hinn 10 mánaða gamli Ágúst, voru sennilega of ung fyrir þessa uppákomu. Þá mættu einnig Andrés prins, Sara, dóttir Önnu prinsessu og Pétur bróðir hennar.

Beta Dís og partur af fjölskyldu hennar
Evgenía og eiginmaðurinn

Var þetta fyrsta ganga fjölskyldunnar án Elísabetar drottningar sem lést í september aðeins 96 ára að aldri. Samkvæmt E News! var nærvera hennar áþreyfanleg og mun ávalt vera.

Andrés prins var … tja, á staðnum.

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -