LXS hópurinn hefur fengið nóg af snjónum í bili en þær flugu til Las Palmas á Kanarí í gær. Hópinn skipa áhrifavaldarnir Birgitta Líf Björnsdóttir, Sunneva Einarsdóttir, Ína María Norðfjörð og Kristín Pétursdóttir. Dansarinn Ástrós Traustadóttir hefur einnig verið partur af hópnum en hún eignaðist nýverið sitt fyrsta barn.
![](https://www.mannlif.is/wp-content/uploads/2023/02/328619358_1365988040832336_7110670083360551365_n-576x1024-1.jpg)
Ferðin er í samstarfi við Heimsferðir en merkja þær ferðaskrifstofuna á flestum myndum sem hafa birst frá ferðinni. Vinkonurnar voru allar í stíl og klæddust svörtum hettupeysum en aftan á bakinu stóð: „Raunveruleiki leiðinlegasta fólks sem þú þekkir.“ Þá má ætla að hópurinn sé að gera grín að gagnrýni sem Salvör Gullbrá Þórarinsdóttir skrifaði um þættina í september í fyrra.
![](https://www.mannlif.is/wp-content/uploads/2023/02/327856684_629375115665573_8963541748741868236_n-576x1024-1.jpg)
Ekki liggur fyrir hvort hópurinn sé við tökur á annarri seríu LXS raunveruleikaþáttanna en virðast þær svo sannarlega njóta sín í eyjunni fögru.
![](https://www.mannlif.is/wp-content/uploads/2023/02/44t6.jpg)
![](https://www.mannlif.is/wp-content/uploads/2023/02/327288168_721711466208921_179953412263683361_n-576x1024-1.jpg)