Pamela Anderson hefur verið ráðin í hlutverk ástkonu Liam Neeson í framhaldsmynd Paramoint Pictures, Naked Gun.
Kvikmyndin, sem enn hefur ekki fengið nafn, mun fjalla um son lögreglumannsins Franks Drebin, sem leikinn var ógleymanlega af Leslie Nielson í sjónvarpsþáttum og þremur kvikmyndum á níunda og tíunda áratug síðustu aldar.
Lonely Island stjarnan Akiva Schaffer mun leikstýra grínmyndinni en handritshöfundar eru þeir Dan Gregor, Doug Mand og Schaffer en tríóið unnu áður saman við gerð Emmy-verðlaunamyndarinnar Chip ´n Dale: Rescue Rangers frá Disney.
Upprunalegu kvikmyndirnar um hinn seinheppna Frank Drebin, var skrifuð og leikstýrt af bræðrunum Jerry og David Zucker og Jim Abrahams en kvikmyndirnar byggðu á sjónvarpsþáttum þeirra sem bar heitið Police Squad! en aðeins voru gerðir sex þættir. Í þáttunum og seinna kvikmyndunum var óspart grín gert að lögregluþáttum en myndirnar slógu rækilega í gegn.
Söguþráðurinn í nýju kvikmyndinni hefur ekki verið gerður opinber en vitað er að Liam Neeson leiki son Frank Drebin. Já og að Pamela Anderson leikur ástkonu hans. Í gömlu myndunum lék Priscilla Presley ástkonu Drebin.
Seth McFarlane, höfundur Family Guy teiknimyndanna og The Orville þáttanna, og Erica Huggins framleiða kvikmyndina en gert er ráð fyrir því að hún verði frumsýnd 18. júlí 2025.
Hér fyrir neðan má sjá bestu línur Nielsens úr Naked Gun myndunum.