Svartþungarokkhljómsveitin Vampíra kom, sá og sigraði Músiktilraunir í ár en keppnin fór fram um helgina. Meðlimir sveitarinnar eru Þórsteinn Gunnarsson, Sindri Atlason, Óðinn Snædal, Reynir Guðmundsson og Heiðar Jóhannsson.
Hægt er að lesa tilkynningu frá Músiktilraunum um keppnina í ár hér fyrir neðan:
Fyrsta sæti Músíktilrauna 2024 hlaut hljómsveitin Vampíra, annað sætið hreppti Eló og þriðja sætið hlaut Chögma. Í almennri símakosningu tók hljómsveitin Frýs titilinn Hljómsveit fólksins. Glæsileg verðlaun voru veitt, hljóðverstímar, úttektir í hljóðfæra- og tónlistarverslunum, styrkir úr Minningarsjóði Péturs W. Kristjánssonar og frá FTT, spilamennska á tónlistarhátíðum og sigurvegararnir munu fljúga á vit ævintýranna með Icelandair.
Öll þau sem komust í úrslit hljóta frábæran fræðslupakka Hitakassans sem undirbýr ungt tónlistarfólk fyrir atvinnumennsku í tónlist, námskeiðið er haldið í samstarfi við Útón og Tónlistarborgina Reykjavík.
SIGURSVEITIR 2024
Eftirfarandi aðilar hlutu verðlaun á Músíktilraununum í ár og verður spennandi að fylgjast með þessu hæfileikaríka tónlistarfólki í nánustu framtíð.
1.sæti. Vampíra
2.sæti. Eló
3.sæti. Chögma
Hljómsveit fólksins: Frýs
Einstaklingsverðlaun:
Söngur: Gísli Freyr Sigurðursson í Slysh
Bassi: Árni Hrafn Hrólfsson í Spiritual Reflections
Hljómborð: Ríkharður Ingi Steinarsson í Áttavillt
Gítar: Þórsteinn Léó Gunnarsson í Vampíra
Trommur: Jónatan Emil Sigþórsson í Chögma
Rafheili: Emil Ingo Lupnaav Atlason í Emidex
Höfundaverðlaun FTT: Elísabet Guðnadóttir í Eló
Íslenskir textar: Urður Óliversdóttir í Urður