Fjölmargir glíma nú við afleiðingar af of miklu áti og því óhófi sem gjarnan einkennir aðventuna, jólin og áramótin. Sumir glíma við það að nálgast það vera sem páskaegg í laginu. Nú er runninn upp stund sannleikans og fólk reynir að slá mælistiku á afleiðingarnar. Helvítis vigtin leikur þar lykilhlutverk. Vandinn er sá að flest reynum við að forðast að horfast í augu við þann veruleika sem fylgir óhófinu og frestum því í lengstu lög að stíga á óvininn til þess að fá fram niðurstöðurnar.
Lausnin á þessu ástandi er sú að kortleggja vandann með því að fá fram tölur um líkamsþyngd. Síðan þarf að grípa til aðgerða sem duga. Ef vandinn er stór og við orðin eins og páskalegg í laginu þarf að grípa til róttækra aðgerða og útiloka sykur og hveiti að mestu og draga úr neyslu. Svo er það lykilatriðið til að bæta heilsuna. Hreyfing skiptir þar mestu máli, hvort sem er um að ræða líkamlega eða andlega heilsu.
Ferðafélag Íslands hefur um langt árabil haldið úti heilsuátaki sem byggir á reglubundinni hreyfingu allt árið. Um er að ræða skipulagðar göngur, ýmist á fjöll eða um láglendi. Fyrir þá sem eru komnir í raunverulegar eða ímyndaðar ógöngur með sjálfa sig er tilfalið að fara inn í verkefnið Tifað á tinda sem hefst um miðjan janúar og lýkur í maí. Kynningarfundur um verkefnið verður þann 9. janúar. Um er að ræða gönguhóp sem byggir á hæggöngum á þægileg fjöll þar sem fólk öðlast smám saman styrk til þess að takast á við meiri og stærri verkefni. Í þeim efnum býðir Ferðafélagið upp á gönguhópa á borð við Alla leið sem stefnir sínu fólki meðal annars á Hvannadalshnúk, hæsta tind Íslands. Aðrir valkostir eru Kvennakraftur, Fótfrár, Létgtfeti, Eftir vinnu og Þjóðleiðir sem eru greinar af sama stofni. Hér má sjá þau verkefni sem Ferðafélag Íslands hefur upp á að bjóða.