Miðvikudagur 27. mars, 2024
4.8 C
Reykjavik

Beggi blindi talar fyrir daufum eyrum: „Í Eyjum er þjónustan veitt á forsendum sveitarfélagsins“

VefTv

- Auglýsing -

Hlaðvörp

- Auglýsing -

Bergvin Oddsson, sem stundum kallar sig Beggi blindi, segir að lélegasta ferðaþjónusta fatlaðra landsins sé í Vestmanneyjum. Aðeins stendur sú þjónusta til boða frá 07:30 til 17, virka daga.

Bergvin Oddsson skrifar pistil á Tigull.is sem er fréttavefur í Vestmannaeyjum. Þar gerir hann ferðaþjónustu fyrir fatlað fólk að umræðuefni. Segir hann þá þjónustu eina af grunnþjónustum sveitarfélaganna. Segir hann að í nær öllum sveitarfélögum landsins sé þessi þjónusta veitt á forsendum þeirra sem notar þjónustuna en ekki á forsendum sveitarfélagsins sem bíður þjónustuna. Segir hann Vestmannaeyjar standa sig hvað verst hvað þetta varðar.

„Í Vestmannaeyjum hefur um árabil þessi þjónusta aðeins staðið til boða frá kl 07:30 til 17 virka daga. Já virka daga. Fatlaðir þurfa að sækja þjónustu, afþreyingu og jafnvel vinnu á kvöldin og um helgar. En í Eyjum er þjónustan veitt á forsendum sveitarfélagsins en ekki einstaklinganna sem þurfa á henni að halda.“

Segist hann hafa talað fyrir því á síðustu árum að bærinn „breyti um takt og veiti almennilega ferðaþjónustu,“ en segist hafa talað fyrir daufum eyrum. Segir hann að þjónusta í Eyjum sé gjaldfrjálst en í flestum öðrum sveitarfélögum sé innt af hendi lág upphæð fyrir þjónustuna, virði hálfs eða fulls fargjalds í strætó.

„Þegar t.d félagsmenn Blindrafélagsins á höfuðborgasvæðinu eru spurðir hvaða þjónusta skiptir þá mestu máli svara nær 90% félagsmanna að ferðaþjónustan skipti mestu máli. En þar er þjónustan í boði frá 07-24 alla daga vikunnar.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -