Ungmennafélagið Einherji nær ekki að manna knattspyrnuliðið fyrir sumarið og dregur sig úr keppni í Íslandsmóti karla í knattspyrnu í sumar. Einhverji vann fjórðu deildina í fyrra.
Austurfrétt segir frá málinu og hefur þetta eftir tilkynningu frá félaginu. Þar kemur fram að þetta hafi orðið niðurstaðan eftir mikla umhugsun og tilraunir til að leysa málin en niðurstaðan var skýr, það er einfaldlega ekki nægur mannskapur. Ennfremur segir í tilkynningunni að þó þetta sé miður sé ákvörðunin tekin með hag félagsins í huga.
Vopnfirska liðið vann fjórðu deildina síðasta haust og hefði því einungis dvalið í þeirri deild eitt tímabil því Einherji féll úr þriðju deildinni haustið 2021.
Einherji ætlar sér þó að halda úti liðið í Íslandsmóti kvenna en þar er verið að leita að þjálfara og er vonast til þess að það takist á næstu dögum. Þá leitar félagið aukreitis að þjálfara fyrir yngri flokka en þar hefur iðkendum fjölgað nokkuð í vetur.
Í Vopnafjarðahreppi bjuggu 665 manns árið 2022.